Eru Íslendingar kannski mjög íhaldssöm þjóð – eða bara hrædd?

Það má ekki nefna það að gera breytingar á heilbrigðiskerfinu eða menntakerfinu?

Og landbúnaðarkerfinu – það er varla neinn pólitíkus sem leggur í að boða breytingar á því?

Hér hrundi bankakerfi, en nei, það var endurreist í nær sömu mynd. Eins og það hefði virkað svo vel áður.

Við ríghöldum í gjaldmiðil sem nær allir landsmenn finna að er ónýtur.

Það má ekki helst ekki tala um að finna aðrar lausnir í samgöngumálum en að hafa flugvöll beint ofan í miðbænum í Reykjavík. Og svo er það Hofsvallagötumálið stóra – þar verða menn mjög skelkaðir vegna smábreytinga á umferðargötu.

Allt ber þetta vott um mikla íhaldssemi – eða þá hræðslu við breytingar.

En spilar kannski inn í hversu auðvelt virðist vera að hræða Íslendinga með alls konar áróðri og furðulegheitum.