Hópur sem nefnir sig 20. október hefur verið að safna svörum frá þingmönnum um hvort þeir styðji nýja stjórnarskrá. 20. október er dagurinn þegar þjóðaraatkvæðagreiðsla fór fram um tillögur stjórnlagaráðs.
Nú kemur fram á vefsíðu hópsins að meirihluti sé fyrir stjórnarskránni, 32 þingmenn af 63.
Jóhanna Sigurðardóttir er þarna á lista yfir þá sem styðja stjórnarskrána, en Árni Páll Árnason og Ásta Ragnheiður Jóhannesdóttir hafa ekki gefið upp afstöðu sína, samkvæmt vefsíðunni, ein stjórnarþingmanna, fyrir utan Ögmund Jónasson.
En er þá eitthvað því til fyrirstöðu að afgreiða nýja stjórnarskrá úr þinginu? Láta bara sverfa til stáls.
Ja, nema mönnum þyki óþægilegt að samþykkja stjórnarskrá með minnsta mögulega meirihluta, í logandi illdeilum, og eiga svo á hættu að næsta þing hafi þar með fengið góða átyllu til að svæfa stjórnarskrána eða beinlínis deyða hana?
Á móti myndi kannski einhver segja að það verði þá skömm næstu ríkisstjórnar ef hún eyðileggur málið? En við það færumst við tæplega nær nýrri stjórnarskrá – eða hvað?
