Nú er greint frá því að NSA-stofnunin í Bandaríkjunum hafi hlerað síma 35 þjóðarleiðtoga. Meðal þeirra er Angela Merkel, kanslari Þýskalands.
En það segir líka að NSA hafi orðið einskis vísari, stofnunin hafi ekki komist að neinu skipti máli með þessum hlerunum.
Kemur kannski ekki sérlega á óvart. Leiðtogar Evrópuríkja eru sjaldnast að leggja á ráðin um stríð eða undirferli eða neitt svoleiðis spennandi. Síðustu árin hafa efnahagsmál átt hug þeirra allan.
Það segir ekkert af því að NSA hafi hlerað neitt af okkar fólki, en auðvitað er hugsanlegt að þeir hafi haft símann hjá Ólafi Ragnari. Það væri hálfgerð lítilsvirðing ef þeir hafa ekki hlerað hann.
