Marta Andreasen, Evrópuþingmaðurinn sem hélt fyrirlestur hjá Heimssýn í gær, er skrautleg kona.
Andreasen var í Ukip, breska sjálfstæðisflokknum, en er nú komin í raðir Íhaldsmanna.
Viðskilnaður hennar við Nigel Farage, leiðtoga Ukip, var mjög harður. Hún sagði að Farage væri „stalínískur harðstjóri sem hefði andúð á konum“.
Skoðun hans væri sú að konur ættu annað hvort að vera „í eldhúsinu eða svefherberginu“.
Farage sagði þegar Andreasen yfirgaf flokkinn að hún væri „ómöguleg manneskja og Íhaldsflokkurinn fengi það sem hann ætti skilið“.
Í þessari grein í New Statesman má lesa ýmislegt fróðlegt um skoðanir Farages og flokksmanna á konum, samkynheigðum, fötluðum, múslimum og útlendingum almennt og tengsl við öfgaflokka í Evrópu.
Í fyrirsögn er spurt hvort Ukip sé flokkur fyrir bullur? Það er erfitt að svara því neitandi.
Nigel Farage og Marta Andreasen meðan allt lék í lyndi.
