Sagt er frá því að 5000 manns sé búnar að hlaða niður kvikmyndinni Djúpinu í gegnum skrárskiptasíðuna Deildu.

Það munar um minna á þessum litla markaði.

Leikstjóri myndarinnar, Baltasar Kormákur, spyr eðlilega hvort sé í lagi að stela eigum annarra?

En þá kemur til kasta Helga Hrafns Guðmundssonar, þingmanns Pírata. Hann trúir á frjálst og opið internet:

„Ef þetta þýðir að einhverjir hagsmunaaðilar tapi peningum, þá fyrirgefðu, það verður bara að hafa það.“

Helgi vill ekki meina að það sé þjófnaður að brjóta á höfundarrétti. Hann kemur með dæmi um Game of Thrones og Justin Bieber, sem hafi verið mikið halað niður, en hafi samt grætt mjög mikið.

Merk röksemd kemur svo í lok viðtalsins við Hákon Hrafn – sem birtist í DV.

Þar segir að Pírataflokkurinn hafi enn ekki þurft að skipta sér af málum sem þessum, ástæðan sé að félög rétthafa séu svo áhrifalítil:

„SMÁÍS og STEF eru einfaldlega ekki það sterk samtök.“