Þessi litla fréttaskýring Eiríks Jónssonar er athyglisverð. Þar segir að Ólafur Ragnar Grímsson muni gera Sjálfstæðisflokknum og Framsóknarflokknum lífið leitt þegar – og ef – þessir flokkar komast til valda.
Maður hefur verið að heyra þessa kenningu úr öðrum áttum. Stuðningsmenn Þóru Arnórsdóttur innan Sjálfstæðisflokksins eru sagðir beita þessu á flokksfélaga sína – semsagt þeirri kenningu að Ólafur Ragnar geti reynst Bjarna Ben erfiður ljár í þúfu ef hann verður forsætisráðherra, en Þóra verði auðveldari viðskiptis.
