Einar Steingrímsson stærðfræðingur vekur athygli á bæklingi, útgefnum af Mannréttindaskrifstofu Reykjavíkur, á bloggsíðu sinni hér á Eyjunni.
Bæklingurinn fjallar um klámvæðingu og kynferðislega áreitni á vinnustöðum, það mætti ætla að þetta sé mikið vandamál, en eins og Einar segir sýnir bæklingurinn ekki fram á það – því fer eiginlega fjarri.
Þarna er talað um vinnustaði sem eru gegnsýrðir klámfenginni umræðu – jú, á unglingsárum var maður í sumarvinnu á vinnustöðum þar sem héngu uppi dagatöl með berbrjósta konum, en eftir að ég kom á fullorðinsaldur kannast ég ekki við að hafa verið í slíku vinnuumhverfi.
Ætli það sé algengt?
Ég er reyndar tepra og konur sem ég vinn með ganga stundum fram af mér með óhefluðu orðbragði – það kemur jafnvel fyrir að þær geri í því.
Á ég að líta á það sem vandamál?
