Það er merkilegt hvað menn eru duglegir við að draga fram Jón Sigurðsson og reyna að gera hann að samherja sínum.

Í dag gerði Dalamaðurinn Ásmundur Einar Daðason þetta í þinginu; hann telur greinilega að Jón sé í sínu liði.

Þetta hefur Jón Valur Jensson líka gert; Jón Valur telur nánast að hann sé fulltrúi Jóns nafna síns í samtímanum.

Ásmundur telur sig vera yst til vinstri í pólitík – en Jón Valur er langt úti á hægri kantinum.

Hvar stóð Jón Sig?

Hann var alveg örugglega ekki einangrunarsinni,; það má segja að hann hafi verið opingáttarmaður fremur en innilokunar.

Hann kaus að búa í Kaupmannahöfn sem þá var borg upp á 100 þúsund manns fremur en í fásinninu á Íslandi.

Og jú jú, það væri forvitnilegt að vita hvaða skoðun hann hefði á þessu öllu.

Eigum við kannski að bíða eftir leiðsögn að handan?

Eins og einn skrifar hér að neðan: Mætti kannski líka tékka á því hvað Jónas frá Hriflu hefur að segja?