Nú virðist enn eiga að reyna að selja Líbýumönnum Kaupþing í Lúxemborg.

Og enn vakna spurningar um meðreiðarsveina Líbýumanna. Vitað er um náin tengsl Sigurðar Einarsonar við þá.

Margir eru þeirrar skoðunar að Kaupþing í Lúxemborg sé einn lykillinn að rannsókn íslenska fjármálahrunsins.

Ef það er rétt ættum við ekki að sætta okkur við að upplýsingar lokist endanlega þar inni.

Í frétt í Morgunblaðinu segir að rannsóknarnefnd þingsins eigi í erfiðleikum með að fá gögn frá útlöndum.

Þetta er varfærnislega orðuð frétt, en heimildir mínar herma að þarna standi helst á Fjármálaeftirlitinu.

Það hafi ekki óskað eftir gögnum frá íslensku bönkunum í Lúxemborg – og þykir það furðu sæta.