Í Kiljunni í kvöld verður fjallað um skáldsöguna Konur eftir Steinar Braga. Bókin kom upp í litlu upplagi fyrir jól, seldist upp, og er nú komin út í kilju. Miklar umræður hafa skapast um bókina meðal lesenda. Tvær ungar háskólakonur, Bryndís Björgvinsdóttir og Yrsa Þöll Gylfadóttir, segja frá upplifun sinni af bókinni.

Við fjöllum um þann merka sið að lesa Passíusálmana í útvarp fyrir páska. Í ár er það Silja Aðalsteinsdóttir sem les, en það er mikið mannval sem hefur lesið sálmana í gegnum tíðina. Við heyrum hljóðdæmi, meðal annars Sigurbjörn Einarsson biskup en hann las sálmana þrívegis í útvarpið.

Við Kolbrún og Páll brugðum okkur á bókamarkað og þættinum greinum við frá því hvaða bækur við fundum þar.

Bragi segir frá merku húsi við Þingholtsstræti.

Og við minnumst vestur-íslenska skáldsins Bills Holm sem dó í síðustu viku.