Björgólfsfeðgum tókst með einstökum viðskiptaháttum sínum að setja fjölda fyrirtækja í þrot. Meira að segja Andrés Önd er skuldum vafinn eftir þá feðga.
Mál sem tengjast þeim eru til skoðunar hjá rannsóknarnefndinni. Og manni finnst líklegt að einhver þeirra komi til athugunar hjá sérstökum saksóknara. Þingmaður sagði í Silfrinu í gær að setja ætti helstu fjárglæframennina á válista í bönkunum. Í þeim hópi eru Björgólfar ábyggilega í topp tíu.
Á sama tíma er enn verið að vinna í að koma upp gagnaveri Björgólfa á gamla varnarsvæðinu. Nú má vera að þarna skapist störf og myndist tekjur.
En hefur fólk í alvörunni lyst á að hafa þá með í þessari uppbyggingu?
