Ég held að menn verði að anda djúpt.

Ég skrifaði litla færslu um Írland í gærkvöldi, varð það á að tengja framfarir á Írlandi við Evrópusambandið.

Sem vissulega breytti miklu á eyjunni grænu.

Eftir þetta dundi á mér póstur frá æstu fólki. Anna Sigrún Baldursdóttir skrifar um þetta pistil.

Ég held þetta sýni:

1. Það er bilun að halda þjóðaratkvæðagreiðslu um hvort Ísland eigi að fara í aðildarviðræður. Þar er enginn umræðugrundvöllur nema getgátur og gróusögur.

2. Það er hætta á að umræðan hérna verði óbærileg.

Við ættum að reyna að hlífa þjóðinni við því. Gæta okkur á liðinu sem er þegar komið ofan í skotgrafirnar.

Flestir Íslendingar eru ekki í neinni fylkingu hvað varðar ESB aðild. Þetta fólk má þola að það verður æpt og orgað á það af handhöfum stórasannleiks í málinu – við ættum að virða rétt þess til að umræðan sé þolanlega siðmenntuð.