Stjórnmálalífið í Bretlandi nötrar vegna kostnaðargreiðslna til þingmanna og ráðherra.

Þingmenn hafa fengið endurgreiðslur úr opinberum sjóðum vegna ólíklegustu hluta, allt frá fasteignum til garðsláttuvéla.

Peter Oborne skrifar þrumuhugvekju um þetta í Daily Mail og segir að stjórnmálamenn hafi upp til hópa orðið uppvísir að því að vera lygarar og þjófar, þingið líti út eins og samsæri um að hygla stjórnmálamönnum á kostnað almennings.

Oborne segir að allt þingið sé með í spilinu, það verði að hreinsa út úr því – úr því sem komið er sé ekki hægt að kjósa neinn af hefðbundnu flokkunum, Verkamannaflokk, Íhald eða Frjálslynda.