Það er dálítið spaugilegt þegar Daniel Hannan segir að Bretum hafi líkað vel við okkur og ekki öfundað fyrir velgengnina.

Málið er nefnilega að við höfum verið á svipaðri braut og Bretar – í raun má segja að pólitískir straumar þaðan hafi meiri áhrif hér en úr nokkurri annarri átt. Sjálfstæðisflokkurinn tekur til dæmis andúðina á ESB eftir vissum hluta breska íhaldsins og blairismi Verkamannaflokksins átti greiða leið inn í Samfylkinguna.

London var að verða okkar önnur höfuðborg.

Og við trúðum því, rétt eins og Bretar, að framtíðin lægi í ofvöxnu kerfi fjármálaþjónustu, leyfðum því að vaxa öllu öðru í samfélaginu yfir höfuð.

Svo er rétt að líta aðeins á söguna.

Íslendingar lifðu alls kyns harðræði fyrr á öldum, en ein var þó gæfa okkar:

Að hafa aldrei lent undir breska heimsveldinu.