Í Kiljunni í kvöld verður fjallað um hið dularfulla franska skáld Arthur Rimbaud og þýðingu Sölva Björns Sigurðssonar á bók hans, Árstíð í víti.

Rimbaud er ein af ráðgátum bókmenntasögunnar. Hann orti kvæði sín fyrir tvítugt, lét sig svo hverfa og gerðist vopnakaupmaður og hugsanlega þrælasali í Afríku.

Fjallað verður um einn af risum íslenskra bókmennta á tuttugustu öld, þýðandann Helga Hálfdanarson, en eftir hann liggja þýðingar á leikritum Shakespeares, grískum harmleikjum, Kóraninum og ýmsum kveðskap.

Kristín Helga Gunnarsdóttir rithöfundur segir frá uppáhaldsbókum sínum.

Páll og Kolbrún fjalla um bækurnar sem hrepptu íslensku bókmenntaverðlaunin og skáldsöguna Viltu vinna milljarð sem nú hefur verið gerð kvikmynd eftir.

En Bragi talar um stjórnmálamenn og orðfæri þeirra.