Kosningar verða líklega 9. maí.

Það þarf að hugsa ýmislegt áður en kosningabaráttan byrjar.

Eitt er að koma í veg fyrir að kosningarnar snúist um auglýsingamennsku. Helst ættu ekki að vera neinar auglýsingar fyrir kosningarnar – og alls ekki sjónvarpsauglýsingar sem bara ríkisstyrktir flokkar hafa efni á.

Það þarf að jafna aðstöðu framboða, þannig að ný framboð eigi möguleika á að keppa við gömlu flokkana

Og það ætti líka að athuga með skoðanakannanir og skoðanamótandi áhrif þeirra.

Kæmi jafnvel til greina að banna skoðanakannanir viku eða hálfan mánuð fyrir kosningar.

Svo á flokkum ekki að líðast að ganga til kosninga án þess að við vitum hvað þeir ætlast fyrir.

Maður vill helst ekki heyra frasann „við göngum óbundin til kosninga“.