Er það svaravert þegar tuðað er yfir því að birtar séu kvikmyndir af Halldóri Laxness við sýndarréttarhöldin í Moskvu 1938?

Líklega ekki.

Ég er samt að velta fyrir mér hvort skilningur ungs fólks á sögunni sé almennt frekar lélegur? Kann það að vera vegna slapprar sögukennslu? Eða frekar vegna þess að hryllingur tuttugustu aldar er smátt og smátt að verða fjarlægur? Samt – ef þetta hefði verið frægur Íslendingur við þinghúsbrunann í Berlín hefði varla neinn kvartað.

En hér er semsagt rammi úr þessari mynd – þarna má sjá Halldór í áhorfendahópnum, ljósan yfirlitum.

Frægasti maður Íslands við einn frægasta atburð tuttugustu aldarinnar.

Naumast að það sé ekki merkilegt.

(Annars má sjá þriðja þátt Kiljunnar með því að smella hér eða á á tengil sem er til vinstri á síðunni.)

Hér er svo mynd af saksóknaranum Vishinsky úr sama myndskeiði. Hann heimtaði í frægri ræðu að sakborningarnir yrðu skotnir eins og óðir hundar.

Og varð nokkurn veginn að ósk sinni.