Hvað hefði Washington sparað mikinn pening ef Bush hefði borgað Saddam þennan skitna milljarð dollara?
Er ekki sagt að stríðið og hersetan í Írak kosti 500 þúsund dollara – mínútan?
Annars er ég að lesa merkilega bók sem heitir Imperial Life in the Emerald City. Hún lýsir ótrúlegu klúðri, heimsku – nánast vitfirringu – Bandaríkjamanna á fyrstu stigum hernámsins, tíma Pauls Bremers.
Þá voru menn ráðnir til að endurreisa Írak ekki vegna þekkingar eða hæfileika, heldur vegna þess að þeir voru inn undir hjá Repúblikanaflokknum. Þeir lögðu niður stjórnkerfið sem fyrir var, við tók ekkert – þegar leið á stjórnartíð Bremers voru Bandaríkjamenn hættir að reyna byggja upp.
Þeir héldu sig bara á sundlaugarbörmum og veitingahúsum inni á Græna svæðinu þar sem reynt var að láta allt líta út eins og heima í USA. Það var yfirleitt svínakjöt í matinn – ótrúlegt magn af svínakjöti sem var flutt til Íraks.
En Haliburton græddi.
