Sigga Dögg kynfræðingur gefur kynlífsráð á tímum COVID-19. Hún segir ráðin vera fyrir fólk sem er í sóttkví vegna kórónuveirunnar eða fólk sem er með kvíða vegna COVID-19. Hún ráðleggur fólki að nýta sér samskiptatækni og fróa sér yfir erótískum sögum.
„Ég hef verið að taka saman smá sóttkvíar og samgöngubanns kynlífsráð. Fyrir fólk sem er fast í sóttkví (án maka/bólfélaga) eða með Covid kvíða: SÍMASEX,“
segir Sigga Dögg í færslu á Instagram.
„Nú er tími til að taka upp tólið og beita tækninni! Fjarfundarbúnaðurinn kemur sér aldeilis vel núna og má aldeilis streyma tala og myndum og hafa gaman af! Frekari ráð má finna í hlaðvarpinu mínu. Fyrir fólk sem er fast í sóttkví með maka/bólfélaga og börn sem eru sturluð og sofa aldrei (eða sjaldan eða lítið): Erótískar sögur og fróun,“
segir hún og útskýrir hvernig það getur farið fram:
„Þið getið legið saman uppi í rúmi eða þar sem þið komið ykkur vel fyrir og fáið að vera smá í einrúmi, setjið sitthvorn gaurinn af heyrnatólunum í eyrað og hlustið saman á erótískar sögur á meðan þið fróið ykkar eigin kynfærum eða kynfærum maka. Storytel er með slatta! Leitaðu eftir erótík! Um að gera að fara líka saman í sturtu og/eða bað.“
https://www.instagram.com/p/B9nAcnCgPJF/