Cristina Villegas er strippari og heldur einnig úti vinsælli YouTube-rás. Hún gefur fylgjendum sínum innsýn í líf sitt sem strippari og í nýjasta myndbandinu leyfir hún áhorfendum að fylgja sér á nýársdag. Cristina vinnur nýárskvöld og gefur öðrum konum sem eru í sama bransa og hún ráð að vinna nýárskvöld, því venjulega eru fáir að vinna og mikið að gera. Þar af leiðandi mikið upp úr kvöldinu að hafa.
Í lok kvöldsins lýsir Cristina vaktinni og segir frá ógnvekjandi atviki.
„Ég er reglulega spurð hvort það komi mjög óþægilegir eða skrýtnir gaurar til mín í vinnunni og ég viti ekki hvað ég eigi að gera í þeim aðstæðum. Það friggin gerðist fyrir mig í dag. Alveg í lok vaktarinnar, þegar það voru aðeins 20 mínútur í að staðnum yrði lokað, vildi viðskiptavinur fara í kampavínsherbergið með mér í klukkutíma. Það var ekki hægt en yfirmaður minn leyfði okkur að fara inn í 15 mínútur. Þetta voru bókstaflega verstu og lengstu 15 mínútur lífs míns. Mér leið eins og þetta væri klukkutími. Bara hvernig hann var að snerta mig og allt svoleiðis. Mér leið svo óþægilega. Mér fannst hann bókstaflega vera týpan til að drepa þig eða eitthvað. Ég veit það ekki, þetta var mjög ógnvekjandi tilfinning. Ég hata að vera í svona aðstæðum,“ segir Cristina og bætir við að það eru myndavélar inn í herbergjunum.
„Þú getur líka farið fram og látið einhvern vita. En ég er rosalega hljóðlát týpa í alvörunni, ég er frekar feimin og huglítil […] En ekkert slæmt gerðist en mér leið mjög illa.“
Cristina segist hafa talað við „mömmu“ strippstaðarins (e. house-mom) um þetta.
„Hún sagði að þetta væri ekki í lagi og mér ætti aldrei að líða eins og ég væri ekki örugg.“
Cristina endar myndbandið á því að telja seðlana sem hún fékk yfir kvöldið. „Ég þénaði 102 þúsund krónur fyrir fimm klukkutíma,“ segir hún.
