Leikkonan Amber Heard leiddi systur sína og lögfræðing inn í réttarsal þar sem taka á fyrir meiðyrðamál fyrrum eiginmanns hennar stórstjörnunnar Johnny Depp.
The Sun greinir frá þessu í dag en Depp hefur höfðað mál á hendur The Sun sem kallaði hann ofbeldismann í skrifum sínum árið 2018. Depp neitar að hafa nokkurn tímann slegið konu. Segjast lögfræðingar leikarans hafa undir höndum sönnunargögn þess efnis að Depp sé ekki ofbeldismaður og að blaðið hafi farið með rangt mál.
Depp og Heard hafa átt í opinberum deilum í langan tíma og sakar Heard fyrrum eiginmann sinn um gróft ofbeldi. Heard mætti í réttarsal hönd í hönd við systur sína Whitney, og lögmann sinn Jennifer Robinson. Bianca Butti kærasta Heard er einnig á staðnum til að veita henni stuðning.
Fyrrum makar Depps, Vanessa Paradis og Winona Ryder munu bera vitni við réttarhöldin.
