Nýlega birtust þær fréttir að Elín Hirst, fyrrverandi alþingiskona og fréttastjóri, væri skilin við eiginmann sinn til 35 ára, Friðrik Friðriksson, fjármálastjóra Nýsköpunarsjóðs atvinnulífsins. DV ákvað að leggja tarotspil fyrir Elínu á þessum tímamótum, en lesendum er bent á að þeir geta gert slíkt hið sama á vefnum.
Fyrsta spilið sem kemur upp hjá Elínu er 9 bikarar, en spilið táknar sannleika sem Elín hefur nýverið þurft að horfast í augu við. Þegar sannleikurinn er talaður ljómar hann og glitrar fallega og nú hefur Elín gefið umhverfi sínu skýlaus skilaboð og er frjáls frá vantrausti og takmörkunum. Það er Elínu eðlislægt að sýna kærleika í verki og finnst henni best á þessum tímamótum að eyða tíma með þeim sem hún elskar. Umhyggja, heiðarleiki og jákvætt viðhorf til lífsins lýsir Elínu best og leggur hún mikið upp úr því að búa til notalegt umhverfi í kringum sig. Á næsta leiti eru veisluhöld með skyldfólki og veita mannleg samskipti henni mikla gleði á þessum erfiða tíma.
Næsta spil er 5 bikarar en það táknar einhvers konar missi eða vonbrigði sem ýta undir leiða hjá Elínu. Ef hún leyfir þessari líðan að ná yfirtökum á annars jákvæðri og bjartri orku sinni er hætt við að neikvæðar tilfinningar verði henni þungbærar og magnist í huga hennar. Það ýtir undir ójafnvægi en það á einkar illa við Elínu þar sem hún þráir jafnvægi í sínu lífi. Elín ætti að leggja sig fram við að opna hjarta sitt fyrir því sem eflir hana og kasta frá sér þungu byrðunum sem hvíla á herðum hennar. Hún skal einnig hafa hugfast að í hverju vandamáli felast dulbúin tækifæri.
Lokaspilið er Tunglið. Tilfinningar Elínar eru sem ringulreið og hún gæti fundið fyrir einmanaleika á næstunni, jafnvel ístöðuleysi. Elín gæti haft það á tilfinningunni að hún ráði ekki við það erfiði sem ríkir núna en það gæti ekki verið fjær sannleikanum. Hún má ekki leggjast niður í vonleysi heldur þarf að rísa upp og takast á við framhaldið. Ójafnvægið og svartsýni geta villt henni sýn en Elín þarf að horfa betur í kringum sig til að sjá allt það sem lífið hefur upp á að bjóða. Framtíðin er björt og enginn tími fyrir leiðindi.