Söngkonan Celine Dion hefur verið gagnrýnd úr ýmsum áttum undanfarið fyrir holdafar sitt. Í viðtali við Entertainment Tonight svarar hún hins vegar fyrir sig.
„Er eitthvað að líkama mínum?“ spyr hún í viðtalinu þegar hún er spurð út í vaxtarlagið.
„Þegar við lítum til baka, þegar ég var tólf ára, þá var andlitið mitt hringlóttara því maður er aðeins þybbnari þegar maður er yngri. En ég hef alltaf verið svona mjó!“ bætir söngkonan við.
Celine segist ekki taka þessar neikvæðisraddir nærri sér.
„Ef þú vilt ekki vera gagnrýndur þá ertu á vitlausum stað,“ segir hún og vísar í skemmtanabransann.
Hún segist halda sér í góðu formi með því að æfa ballett fjórum sinnum í viku.
„Fólk segir: Hún er miklu mjórri, en ég æfi stíft. Mér finnst gaman að hreyfa mig og þyngdartap fylgir því.“