Söngkonan Bebe Rexha ætlaði sér ekki að „brjóta internetið“ þegar hún birti mynd af sér á afmælisdegi sínum. Á myndinni er hún aðeins klædd í svartan g-streng, í splitti og að setja á sig varalit.
„Þetta er hvernig 30 lítur út. #Afmælisdressið sjálfsást, líkamsvirðing, ég að vera ég sjálf án þess að afsaka mig. Að teygja fyrir sýningu og að setja á mig varalit,“ skrifaði hún með myndinni.
E! News spurði Bebe út í myndina sem vakti vægast sagt mikla athygli. Rúmlega 1,7 milljón manns líkuðu við myndina á Instagram og skrifuðu rúmlega 36 þúsund manns við hana.
„Ég sver það, ég planaði ekki þessa mynd,“ segir Bebe um myndina. Hún segist hafa verið að gera sig tilbúna fyrir tónleika þegar hárgreiðslukona hennar gekk inn í herbergið og tók myndina. Bebe man eftir að hafa hugsað. „Vá ég lít vel út og ég veit ekki hvort ég myndi einhvern tíma líta aftur svona vel út og mér líður vel með mig sjálfa. Þannig ég ætla að deila henni.“
Þrátt fyrir alla ástina og stuðninginn sem Bebe fékk eftir að hafa deilt myndinni þá var einn maður í lífi hennar sem samþykkti ekki myndina.
„Ég er fullorðin kona. En pabbi minn var alveg „Guð minn góður. Vinsamlegast taktu myndina út núna.“ Og ég var alveg: „Neibb. Það mun ekki gerast,““ segir Bebe Rexha.
Bebe viðurkennir að hún hefur ekki alltaf verið svona örugg í sínu eigin skinni en það breyttist allt þegar hún byrjaði að æfa sjálfsást.
„Það er mjög mikilvægt að segja fallega hluti við þig sjálfa. Ég byrjaði á því að segja fallega hluti um mig sjálfa og tók mér eins og ég er,“ segir hún.
