Samfélagsmiðlar hafa verið mikið á milli tannanna á fólki síðustu ár. Óraunhæfar væntingar, pressa og léleg sjálfsmynd er oft tengt við samfélagsmiðla og keppist fólk um að sýna „sitt besta líf“.
YouTube móðirin Kristina Kuzmic deildi myndbandi sem er skemmtilegt inlegg í umræðuna. Myndbandið heitir „Svona á að falsa fullkomið líf á samfélagsmiðlum.“
Fólk virðist tengja vel við myndbandið, enda margir sem streða við að líta sem best út á samfélagsmiðlum og athugasemdir Kristinu eru verulega fyndnar. Hún gefur einnig nokkur sniðug ráð, eins og hvernig er hægt að láta líta út eins og þú sért að lifa þínu besta lífi jafnvel þó að lífið þitt sé bara miðlungs!
