Dr. Phil fékk til sín á dögunum hina fimmtán ára gömlu Elenu sem á erfitt með að höndla það þegar strákur hættir með henni.

Elana hefur átt tvo kærasta, einn þegar hún var fjórtán ára og annan þegar hún var fimmtán ára. Móðir hennar segir frá því í þættinum hvernig Elana lét kærasta sína fylgja mjög ströngum reglum, eins og þeir máttu ekki tala við aðrar stelpur og áttu að gefa henni lykilorðin að snjalltækjunum sínum.

Þegar fyrsti kærastinn hætti með henni brotnaði hún algjörlega niður og segir í þætti Dr. Phil að hún hafi ekki vitað hvernig hún ætti að höndla aðstæðurnar. Móðir hennar fór með hana á bráðamóttökuna og var hún í kjölfarið færð yfir á geðdeild þar sem hún var í mánuð.

Elana eignaðist annan kærasta ári seinna og setti honum sömu reglurnar og þeim fyrsta. Hann hætti með henni tveimur vikum fyrir þáttinn.

„Ég frétti að Elana þóttist vera ólétt og missa fóstrið til að halda stráknum í sambandinu,“ segir móðir hennar í þættinum.

Dr. Phil fer yfir þær þrjár ástæður fyrir því að hún bregst svona illa við.

Fyrsta ástæðan sem Dr. Phil nefnir er slæmt samband stúlkunnar við föður sinn. Önnur ástæðan er að hún er ennþá barn og er sett í aðstæður sem hún getur ekki höndlað. Dr. Phil segir að það sé undir móður hennar komið að stúlkan sé ekki sett í aðstæður sem hún getur ekki ráðið við.

„Hún er ennþá með bangsa á rúminu sínu og þú ert með hana í fullorðins sambandi að díla við fullorðins tilfinningar og fullorðins hegðun og fullorðins sársauka í fullorðins sambandsslitum, og hún hefur enga leið á að höndla það alveg eins og hún myndi ekki höndla það að lenda flugvél,“ segir Dr. Phil.

Hann nefnir síðan þriðju ástæðuna, og jafnframt sú mikilvægustu, að stúlkan hefur ekki verið dugleg að rækta samband sitt við sjálfa sig.

Horfðu á innslagið úr þættinum hér að neðan.