Það er ekkert kynþokkafullt við það að stunda kynlíf með foreldra þína í næsta herbergi en þannig er raunin fyrir fólk sem býr heima hjá foreldrum sínum. Ein kona segir frá því, í þræði á Reddit, hvernig tengdamóðir hennar var vön að ganga inn á hana og eiginmann hennar stunda kynlíf og segja þeim að halda áfram.
Konan og maðurinn hennar giftust þegar þau voru bara sextán ára og áttu heima hjá foreldrum hans fyrstu tvö ár hjónabandsins.
„Það skipti ekki máli hvaða tíma dags það var, í hvert skipti sem tengdamóðir mín var heima og við „vorum upptekin“ þá kom hún inn í svefnherbergið okkar og reyndi að spjalla við annað hvort okkar, en sagði okkur alltaf á sama tíma að halda áfram,“ segir konan.
„Mér fannst þetta mjög hrollvekjandi því það skipti ekki máli hversu hljóðlát við vorum eða hversu hvatvís við vorum, hún vissi einhvern veginn alltaf þegar við stunduðum kynlíf.“
En hvernig vissi tengdamóðir hennar af því. Konan segist vera viss um að tengdamóðir hennar hafi komið fyrir faldri myndavél inni hjá þeim.
„Ég er ennþá fullviss um að hún var með falda myndavél í herberginu hans en við fundum hana aldrei. Ég verð ennþá stressuð í dag þegar við stundum kynlíf að hún komi inn í herbergið, þó svo að við hættum að tala við hana þegar sonur okkar fæddist.“
Ef þú ert að hneykslast á tengdamömmunni þá ertu ekki ein um það. Fjölmargir skrifuðu við þráðinn á Reddit og hafði meira að segja ein kona svipaða sögu að segja.
„Guð minn góður, mín tengdó gerir þetta líka. Venjulega er hún mjög hávær og þungstigin með krónískan hósta þannig við heyrum alltaf í henni labba um húsið – en þegar við erum að stunda kynlíf verður hún bókstaflega að ninju og kemur bara inn án þess að banka eða neitt. Og svo þegar við reynum að hylja okkur hlær hún bara og segir: „Engar áhyggjur, ég hef séð þetta allt áður!““