Sigríður Hagalín Björnsdóttir, fjölmiðlakona og rithöfundur, og Jón Kalman Stefánsson rithöfundur hnutu nýverið um hvort annað og ástin blómstrar sem aldrei fyrr. Því fannst DV tilvalið að spá í stjörnumerkin til að sjá hvernig þetta fjölhæfa par á saman.
Sigríður er vatnsberi en Jón er bogmaður – þar mætast loft og eldur. Gildi vatnsberans og gáfur bogmannsins gera þessa blöndu afar einstaka þegar kemur að ástarsambandi. Sigríður og Jón eru bæði kappsmikil og getur það stundum valdið spennu á milli þeirra en að sama skapi verður þetta samband aldrei leiðinlegt eða óspennandi.
Undir rómantíkinni er traust vinátta. Þau geta vel átt samskipti hvort við annað, sem er lykillinn að farsælu sambandi og getur oft komið í veg fyrir stórslys á ástarsviðinu.
Þau dást að hvort öðru og njóta lífsins saman. Bogmaðurinn laðast að hugsjón og sköpun vatnsberans á meðan vatnsberinn dáist að innsæi bogmannsins. Bæði merkin þurfa sitt sjálfstæði og virða það. Svo lengi sem þau tapa ekki samskiptalistinni mun þetta samband verða langt, traust, gjöfult og umfram allt – stútfullt af skemmtilegheitum.
Sigríður
Fædd: 11. febrúar 1974
Vatnsberi
-frumleg
-vinnusöm
-sjálfstæð
-mannvinur
-á erfitt með að tjá tilfinningar
-fjarlæg
Jón
Fæddur: 17. desember 1963
Bogmaður
-gjafmildur
-húmoristi
-bjartsýnn
-æruverðugur
-lofar upp í ermina á sér
-óþolinmóður