Donna Cruz er svo sannarlega á uppleið, en hún hefur hlotið einróma lof gagnrýnenda fyrir leik sinn í kvikmyndinni Agnes Joy. DV ákvað því að lesa í tarotspil þessarar ungu og efnilegu leikkonu, en lesendum er bent á að þeir geta sjálfir dregið sér tarotspil á vef DV.
Bless erfiðleikar
Fyrsta spilið sem kemur upp er Hamingjuhjólið. Það táknar mikið hamingjutímabil framundan hjá Donnu og munu tækifæri í framtíðinni koma henni ánægjulega á óvart og færa henni betri tíma. Heppnin eltir Donnu og hamingjuhjólið snýst henni í hag. Hún getur kvatt alla erfiðleika, hvort sem þeir eru andlegir eða fjárhagslegir. Hún er heil í gegn hún Donna og upplifir almenna vellíðan. Þessi hamingja styrkir hana og þá sem skipta hana máli. Nú þarf hún að leyfa góðum hlutum að bera ríkulegan ávöxt. Næstu skref sem Donna stígur verða þakin hamingjudropum og mun hún taka sér göfug verkefni fyrir hendur.
Skapar sína eigin framtíð
Næst eru það 7 sverð sem táknar að vitsmunir Donnu eru meiri en hún gerir sér grein fyrir. Öflugar hindranir eru yfirstíganlegar á sama tíma og Donna er fær um að koma í veg fyrir hvers kyns vandræði. Framhald velgengni Agnesar Joy verður sniðið að þörfum Donnu ef hún leggur sig fram við að skapa sína eigin framtíð. Donna þarf að standa fast á sínu og þekkingu sinni á sjálfinu. Þannig getur hún fært sér í nyt nánast allt sem á vegi hennar verður.
Barn eða brúðkaup
Loks eru það 3 bikarar. Fjölskyldulíf Donnu er í blóma og hún myndar rík vináttubönd við gott fólk. Í spilunum felst merki um einhvers konar vöxt, nýtt ástarsamband eða barnsburð – jafnvel stóra hamingjustund eins og brúðkaup. Mikill fögnuður birtist þar sem Donna er gerandi og upplifir sterkar tilfinningar sem tengjast gleði og ómældri ást. Hamingjubikar ýtir undir vellíðan og framtíðin mun leiða Donnu áfram þar sem heilindi og jákvæð samskipti munu eiga sér stað.