Tobba Marinósdóttir rithöfundur og Karl Sigurðsson Baggalútur gengu í það heilaga í villu á Ítalíu fyrir skömmu. Tobba og Kalli hafa verið saman um árabil en DV lék forvitni á að vita hvernig þau eiga saman, nú þegar þau hafa innsiglað ástina.
Kalli er ljón en Tobba er bogmaður. Það er skemmst frá því að segja að þegar að þessi tvö merki koma saman í ástarsambandi þá verður bókstaflega flugeldasýning, svo mikill er krafturinn og lífsgleðin. Það er gaman að vera í kringum par sem samanstendur af ljóni og bogmanni og hvetja þau hvort annað til dáða, stanslaust.
Bogmaður og ljón bera djúpa virðingu fyrir hvort öðru, en það sem einkennir bæði merkin er hlýja og sjarmi. Orkan frá þessu pari smitar út frá sér og gerir fólkið í kringum það glatt.
Bæði bogmaður og ljón eru óþolinmóð og þó að sambandið sé mjög stöðugt og gott er ýmislegt sem getur komið upp á – eins og í öllum samböndum. Ljónið getur látið daður bogmannsins fara í taugarnar á sér og bogmaðurinn pirrar sig stundum á stjórnsemi ljónsins. Ljónið lætur til skarar skríða án fyrirvara á meðan bogmaðurinn spáir og spekúlerar í öllu sem hann gerir. Virðingin á milli þessara tveggja merkja er hins vegar svo mikil að ástarsamband sem bindur þessi tvö saman stendur afar traustum fótum.
Tobba
Fædd: 7. desember 1984
bogmaður
-gjafmild
-góður húmor
-lífsglöð
-ákveðin
-lofar upp í ermina á sér
-óþolinmóð
Kalli
Fæddur: 24. júlí 1973
ljón
-hugmyndaríkur
-ástríðufullur
-hlýr
-glaður
-hrokafullur
-ósveigjanlegur
