Þrjár ungar konur, sem hafa gert sig gildandi á samfélagsmiðlinum Instagram, fá ekki að mæta aftur á leik í bandarísku Major League-deildinni í hafnabolta eftir að hafa brotið reglur á áhorfendapöllunum.
Julia Rose, sem er með 2,8 milljónir fylgjenda, Lauren Summer (1,4 milljónir fylgjenda) og Kayla Lauren (50 þúsund fylgjendur) voru á leik Houston Astros og Washington Nationals í fimmta leik liðanna í World Series í gær. Hafnabolti er feykilega vinsæl íþrótt í Bandaríkjunum og sátu milljónir áhorfenda límdar við skjáinn þegar sást til þeirra lyfta upp bolnum og bera brjóstin á áhorfendapöllunum.
Í frétt News.com.au kemur fram að David Thomas, varaforseti Major League-deildarinnar, hafi sent Juliu bréf þar sem fram kom að hún mætti ekki koma aftur á leiki deildarinnar. Ástæðan væri sú að hún hefði brotið gegn siðareglum með grófum hætti. Líklegt má telja að vinkonur Juliu, Lauren og Kayla hafi fengið samskonar bréf.