Hvað er að vera ástfanginn? Hvað er að vera skotinn? Er einhver munur á þessu tvennu?
Ástinni hefur verið lýst með ýmsum hætti í gegnum veraldarsöguna, allt frá því að snúast um mælanlegar breytingar á boðefnum í heila og yfir í orðaskrúð ofurvæminna ljóðabálka.
Ljóst er að ást er að mörgu leyti menningarlegt fyrirbæri – enda leggja jarðarbúar misjafnan skilning í hugtakið. Skilningurinn veltur ekki bara á búsetu heldur líka á tímabilum.
Eitt er víst að yfirleitt vitum við hvað er á seyði þegar við verðum ástfangin – þó að erfitt sé stundum að útskýra það. Hér eru nokkur merki sem við á Bleikt tókum saman með aðstoð góðra vina, sem gætu bent til þess að þú sért að verða ástfangin/n:

1. Rauðbeður

Þú hefur alltaf hatað rauðbeður en rankar við þér þegar þú ert búin/n að borða heila rauðbeðuskál með bestu lyst.

2. Fullnægingar

Þegar þú fróar þér eru fantasíurnar kannski orðnar aðeins öðruvísi – já og fullnægingarnar sterkari.

3. Hrein gleraugu

Það er eins og skynfærin skerpist – svipað og ef þú ert búin/n að ganga með skítug gleraugu í heilan dag og pússar þau svo. Þú heyrir grasið gróa og snjóinn snóa – hér um bil.

4. Allt nýtt

Þú ert skyndilega farin/n að gera nýja hluti. Uppvaskið verður sannarlega skemmtilegt vegna nýju dagdraumanna.

5. Ha, hvað er aftur tinder?

Allt í einu uppgötvar þú að þú hefur ekki kíkt inn á Tinder svo dögum skiptir.

6. Hvað var það aftur sem ég átti að gera?

Úpps, þú gleymdir að borða. Í fjórða skiptið í þessari viku.

7. „Spilaðu annað væmið lag herra plötusnúður“

Vælið í honum Ed Sheeran fer að meika sens – já og öll hin ástarlögin líka.

8. Namm!

Þurra tekexið sem þú nartar í með honum/henni eftir ástarleik bragðast betur en sjö rétta Michelin-máltíð í París.

9. Ó þetta eyra!

Þú getur starað á nef eða eyra eða annan líkamshluta á henni/honum og týnt þér í fegurðinni.

10. Netflix og chill

Þú ert til í að endurtaka ýmislegt, bara til þess að fá að upplifa hlutina með hann/hana þér við hlið (til dæmis að horfa á allar fimm seríurnar af Breaking Bad).