Marcus Rashford er í leikmannahópi Manchester United sem mætir Newcastle í ensku úrvalsdeildinni klukkan 20.

Rashford hefur verið úti í kuldanum hjá stjóranum Ruben Amorim í fjórum leikjum í röð en snýr nú aftur í leikmannahópinn og tekur sér sæti á bekknum.

Fréttir af þessu fóru á kreik í dag en hafa verið staðfestir nú með útgáfu á leikmannahópum kvöldsins.

Leikur kvöldsins fer fram á Old Trafford en United þarf að rétta úr kútnum eftir hörmulegt gengi á leiktíðinni.

Rashford hefur verið sterklega orðaður frá United en það er spurning hvort þessi tíðindi gefi vísbendingar um annað.

Byrjunarlið United í leiknum
Onana; De Ligt, Maguire, Martinez; Mazraoui, Casemiro, Eriksen, Dalot; Amad, Hojlund, Zirkzee.