Sergio Aguero, goðsögn Manchester City, segir að það sé ekki hægt að neyða landa sinn, Lionel Messi, í að leggja skóna á hilluna.
Messi er svo sannarlega kominn á seinni ár ferilsins en hann er 37 ára gamall og spilar í Bandaríkjunum.
Margir velta því fyrir sér hvenær Messi mun stíga til hliðar og leggja skóna á hilluna en það er aðeins hans mál að sögn Aguero.
Messi er enn mikilvægur fyrir Inter Miami og argentínska landsliðið og eru góðar líkur á að hann spili í nokkur ár til viðbótar.
,,Ég get sagt þetta eins oft og ég þarf: Leo fær að ákveða hvenær hann hættir og sama hvaða ákvörðun hann tekur, ég samþykki hana,“ sagði Aguero.
,,Ég myndi elska það að sjá hann spila að eilífu en því miður er það ómögulegt. Hann hefur öðlast þann rétt að fá að ákveða sjálfur hvenær hann hættir í fótbolta.“
