Vodafone styður heilshugar við baráttuna  gegn kynbundnu ofbeldi og kerfisbundnu launamisrétti kynjanna sem er yfirskrift fyrirhugaðs kvennaverkfalls 24.okóber.

Áhersla er lögð á það að starfsfólk sé metið að verðleikum og njóti jafnra tækifæra á vinnustaðnum. Starfsfólki er ekki mismunað á grundvelli kyns, kynþáttar eða þjóðernis, kynhneigðar, aldurs, trúar, skoðana eða annarra þátta.

„Við styðjum við þær konur og kvár sem vilja leggja niður störf vegna kvennaverkfallsins og ekki verður dregið af launum þeirra kvenna og kvára sem leggja störf niður þennan dag. Við eigum í góðu samtali við viðskiptavini okkar og munum upplýsa þá ef til þess kemur að við þurfum að lækka þjónustustig þennan dag. Við erum fullviss um það að viðskiptavinir okkar sýni því skilning,“ segir Sesselía Birgisdóttir, framkvæmdastjóri Vodafone í tilkynningu.