Salomon Hengill Ultra 2023 fór fram í Hveragerði í dag og í gær og það má segja að þar hafi verið sannkölluð hlaupaveisla. Það var Adam Komorowski frá Póllandi sem sigraði hundrað mílna hluta keppninnar og Rúmeninn Mihai Serban sem varð í öðru sæti en þeir voru þeir einu af fimm sem hófu keppni í vegalengdinni sem kláruðu.

Það voru þau Sölvi Snær Egilsson og Dalrós Ingadóttir sem sigruðu 106 km hluta mótsins. Thelma Björk Einarsdóttir kom svo fyrst í mark í 53 km dagleiðinni á tímanum 5:27:23 sem er brautarmet. Sigurjón Ernir Sturluson sigraði karlaflokkinn á nýju persónulegu meti í þessari vegalengd.

Rúmlega níu hundruð hlauparar lögðu af stað en þetta er í 12 sinn sem mótið er haldið en hlaupið er um stóbrotið uppland Hveragerðis og Ölfus.

Hægt er að nálgast öll úrslit helgarinnar hér.