Nýlega uppgötvuðu vísindamenn að kólumbískur karlmaður er með genaafbrigði sem veitir vernd gegn snemmbúnu Alzheimers. Þetta hefur vakið vonir meðal vísindamanna um að hægt verði að þróa meðferð sem getur komið í veg fyrir eða hægt á þessu formi Alzheimers sem og öðrum formum þessa skelfilega sjúkdóms.

Live Science skýrir frá þessu og segir að þetta sé annað genaafbrigðið, sem hefur uppgötvast, sem veitir vernd gegn snemmbúnu Alzheimers (ADAD).

ADAD er snemmbúið Alzheimers og byrja sjúklingar að fá fyrstu einkennin á miðjum fertugsaldri og lifa sjaldnast lengur en til sextugs að sögn Joseph Arboleda–Velasquez, sem er meðhöfundur rannsóknarinnar. Live Science skýrir frá þessu.

Kólumbíski karlmaðurinn er í fjölskyldu sem vísindamenn hafa fylgst lengi með því vitað er að hún er með genaafbrigði sem veldur ADAD. Maðurinn er með það genaafbrigði en í stað þess að fá snemmbúið Alzheimers þá var hann heilbrigður þar til undir sjötugt og fékk væg einkenni Alheimerz þegar hann var 72 ára. Hann lést 73 ára að aldri af öðrum orsökum.