Ivan Toney hefur verið settur í átta mánaða bann frá knattspyrnu vegna brota á veðmálareglum.
Þetta var staðfest nú fyrir skömmu, en bannið hefur verið yfirofandi eftir að fréttir af veðmálum Toney birtust fyrr í vetur.
Toney er 27 ára gamall og á mála hjá Brentford. Hann verður í banni þar til 16. janúar 2024. Hann má þó hefja æfingar með Brentford um miðjan september.
Á þessum tíma má Toney hvorki spila fyrir Brentford né enska landsliðið.
Toney er þá sektaður um 50 þúsund pund.
Brot enska sóknarmannsins á veðmálareglum eru 232 talsins. Upphaflega var hann sakaður um 262 brot en enska knattspyrnusambandið dró ásakanir um 30 til baka. Toney gengst við brotum sínum.
Á þessari leiktíð hefur Toney skorað 21 mark í 35 leikjum fyrir Brentford. Liðið fær þó ekki að njóta krafta hans neitt á næstunni.
