Fjölmiðla- og umboðsmaðurinn Þorkell Máni Pétursson var gestur Íþróttavikunnar með Benna Bó í þetta skipti. Hann var í setti ásamt Herði Snævari Jónssyni, fréttastjóra íþróttafrétta á Torgi.

Spá Fréttablaðsins fyrir Bestu deildina var til umræðu. Þar er KA spáð 7.sæti. Fólk í kringum liðið fór mikinn í fyrra og lýsti ósætti þegar því var spáð 9.sæti af Fréttablaðinu. Þeir gulklæddu höfnuði að lokum í öðru sæti eftir frábært tímabil.

„Ég skil ekki röflið í þeim. Ég var alltaf mega ánægður með að vera spáð fjórða eða fimmta sæti og ætla að vinna titilinn í stað þess að fara með leikmannahópinn inn í tímabilið og allir halda að við séum eitt af betri liðunum,“ segir Máni.

„Að vera röflað yfir því að vera spáð neðarlega. Ég bara skil ekki þessa þvælu.“

Hörður útskýrir spá Fréttablaðsins fyrir tímabil KA.

„Þeir missa einn besta þjálfara landsins (Arnar Grétarsson) og ráða inn óreyndan þjálfara. Hallgrímur Jónasson er efnilegur þjálfari en hefur ekkert sannað í efstu deild.“

Þá er Nökkvi Þeyr Þórisson farinn, en hann raðaði inn mörkum í fyrra.

„Það er ansi mikið af þeim stigum sem KA skoraði í fyrra.“

Umræðan í heild er hér að neðan.