Brandenburg var valin auglýsingastofa ársins á ráðstefnu ÍMARK sem haldin var í Háskólabíó á föstudaginn. Þetta er í fimmta sinn sem stofan hlýtur nafnbótina og
sem fyrr eru það markaðsstjórar íslenskra fyrirtækja sem kjósa.

Sigríður Theódóra Pétursdóttir, framkvæmdastjóri Brandenburg, segir af þessu tilefni: „Við höfum á undanförnum árum verið að útvíkka þjónustuna markvisst og efla okkur í ráðgjöf og strategíu og það er að skila sér. Svo má ekki gleyma frábæru starfsfólki stofunnar sem hefur lagt mikið á sig og öllum okkar frábæru viðskiptavinum. Árangursdrifnar hugmyndir hafa verið kjarninn í öllu sem við gerum en við mælumst hæst á öllum þeim þáttum sem mældir voru, s.s. fagleg vinnubrögð, áhersla á árangur og þjónusta og viðmót. Árið er búið að vera viðburðaríkt og 2023 byrjar af krafti. Það er aldrei lognmolla í okkar geira og fullt af áskorunum framundan eins og með tilkomu gervigreindar og sjálfvirkni en við þrífumst á breytingum og erum spennt fyrir framtíðinni.“

Hjá Brandenburg starfa rúmlega 30 sérfræðingar á sviði vörumerkjaráðgjafar, hönnunar, hugmyndavinnu og textagerðar auk þess að sjá um samfélagsmiðla,
birtingar og ráðgjöf gegnum snjallbirtingafyrirtækið Datera.