Hjónin Sara Oskarsson, listakona og fyrrum þingmaður Pírata, og Andri Þór Birgisson, kvikmyndaframleiðandi, eignuðust dóttur í morgun. Dóttirin er fyrsta barn þeirra saman og fyrsta barn Andra, en Sara á son og þrjár dætur frá fyrri samböndum. Hjónin giftu sig 4. desember 2021 í Hallgrímskirkju.

„Stundum opnast himnarnir. Og ástin og hamingjan í sinni tærustu mynd streyma niður og inn í lífið og skapa nýja vídd. Í morgun klukkan 5:05 fæddist dóttir okkar Andra. Lítill glókollur 3095gr. 48 cm og fullkomin í alla staði. Allri fjölskyldunni heilsast vel,“ segir Sara í færslu á Facebook.

Andri segir framleiðslu hafa byrjað fyrir 38 vikum og frumsýningardagur hafi átt að vera eftir tíu daga. Stjarnan hafi fæðst í morgun, fjármögnun verkefnisins hafi ekki farið úr böndunum og skipulagning verði aðlöguð innan skamms.

&;