Nú ert hún í hringiðu skandals sem hefur yfirtekið snyrti- og dramasamfélagið á TikTok og YouTube.
Mikayla birti færslu í samstarfi við L‘Oreal Paris til að auglýsa nýja maskarann þeirra. Myndbandið hefur fengið yfir 51 milljónir í áhorf á rúmlega viku og mætti segja að það hafi sett internetið á hliðina.
Fyrsta vandamálið sem netverjar gagnrýndu hana fyrir var að taka það ekki nógu skýrt fram að færslan væri kostuð auglýsing.
En það var ekki helsta gagnrýnin, heldur var hún sökuð um að hafa sett á sig gerviaugnhár í miðju myndbandi til að auka áhrif maskarans, án þess að greina frá því. Hún klippti myndbandið þannig – og talaði – eins og þetta væri allt gæðum maskarans að þakka.
@mikaylanogueira THESE ARE THE LASHES OF MY DREAMS!! @lorealparisusa never lets me down 😭 #TelescopicLift #LorealParisPartner #LorealParis @zoehonsinger ♬ original sound – Mikayla Nogueira
Netverjar voru fljótir að saka hana um að birta falska auglýsingu og birtu myndir til að bera saman augnhárin hennar þegar hún var búin að setja eina umferð af maskaranum og í lok myndbandsins.
Málið hefur vakið gríðarlega athygli og er óhætt að segja að TikTok-samfélagið hafi nötrað ásamt því að dramarásir á YouTube kepptust um að fjalla um málið. Aðrar samfélagsmiðlastjörnur hafa deilt sinni skoðun á málinu og gagnrýnt Mikaylu og hafa einnig fjöldi erlendra miðla fjallað um það.
Skandallinn hefur fengið nafnið „Lashgate“ og hafa birst mörg hundruð ef ekki þúsundir myndbanda og færslur undir því myllumerki á samfélagsmiðlum.
#lashgate flipped negative and you see the exact outline of her real lashes pic.twitter.com/UgvFbtow4S
— Miess (@MusicMiess) January 28, 2023
Lögfræðingurinn Rob Freund fór yfir vandræðin sem Mikayla gæti verið í hjá neytendastofunni í Bandaríkjunum.
Colleagues practicing in my niche weigh in:
„The FTC has noted that advertisers and influencers can be held liable for misleading or unsubstantiated representations regarding a product’s performance or effectiveness.“https://t.co/d0lAOjmQoW
— Rob Freund (@RobertFreundLaw) January 31, 2023
Þögn Mikaylu var ærandi. Hún svaraði aðeins fyrstu athugasemdunum við myndbandið og hélt því staðfastlega fram að hún hafi ekki verið með gerviaugnhár. Hún hefur síðan þá eytt þeim athugasemdum en tjáði sig ekkert um málið og birti ekkert á samfélagsmiðlum í rúma viku, þar til í gær. Hún birti nokkur myndbönd á TikTok eins og ekkert hafi í skorist og virðist ekki ætla að tjá sig um málið og svara gagnrýninni.
