fbpx
Fimmtudagur 02.maí 2024
Pressan

Fjórir háskólanemar myrtir í „ástríðuglæp“

Máni Snær Þorláksson
Þriðjudaginn 15. nóvember 2022 22:00

Madison Mogen, Kaylee Goncalves, Ethan Chapin og Xana Kernodle voru myrt aðfaranótt 13. nóvember.

Ekki missa af Helstu tíðindum dagsins í pósthólfið þitt

Lesa nánar

Fjórir háskólanemar í Háskólanum í Idaho (e. University of Idaho) í borginni Moscow í Bandaríkjunum fundust látnir á heimili sínu um helgina. Haft var samband við lögregluna í Idaho skömmu fyrir hádegi á sunnudaginn. Lögreglan mætti á vettvang stuttu síðar og fann lík háskólanemana í húsinu. Ekki er búið að handtaka neinn í tengslum við málið en lögregluna grunar ekki að aðrir nemendur skólans gætu verið í hættu. Talið er að háskólanemarnir hafi verið myrtir.

Hin látnu eru þau Ethan Chapin, 20 ára, Madison Mogen, 21 árs, Xana Kernodle, 20 ára og Kaylee Goncalves, 21 árs. Skömmu áður en þau fundust látin birti Goncalves mynd af sér ásamt Chapin, Mogen og Kernodle. Á myndinni stóðu þau saman fyrir utan hús með hendurnar utan um hvort annað. Mogen og Goncalves voru saman í systralagi á meðan þau Kernodle og Chapin eru sögð hafa verið í ástarsambandi.

Madison Mogen, (efst til vinstri), Kaylee Goncalves, (neðst til vinstri), Ethan Chapin, (fyrir miðju) 0g Xana Kernodle, (til hægri)

Cathy Mabbutt, dánardómstjóri sýslunnar, sagði að verið sé að rannsaka málið sem morð. Þá sagði Mabbutt að enginn af þessum fjórum háskólanemum væri grunaður um að hafa myrt hina og síðan framið sjálfsvíg.

Art Bettge, borgarstjórinn í Moscow, sagði í viðtali við The New York Times að þetta hafi verið „tilgangslaust ofbeldisverk“.

„Það er erfitt að vinna í gegnum glæp af þessari stærðargráðu,“ sagði Bettge og bætti við að lögreglan þyrfti að taka sér tíma í að rannsaka málið. Þá sagði hann að mat lögreglunnar væri að um „ástríðuglæp“ hafi verið að ræða.

Öllum tímum háskólans var aflýst á mánudaginn til að gefa nemendum tíma til að syrgja. C. Scott Green, skólastjóri háskólans, sagði í yfirlýsingu að orð gætu engan vegin minnkað sársaukann sem þessi morð valda. „Atvik af þessari stærðargráðu getur skiljanlega haft mikil áhrif á þá sem upplifa þau. Við verðum að standa saman og lyfta hvoru öðru upp,“ sagði skólastjórinn einnig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Fjólublá baktería gæti verið lykillinn að því að finna líf á fjarplánetum

Fjólublá baktería gæti verið lykillinn að því að finna líf á fjarplánetum
Pressan
Fyrir 3 dögum

Öfgaveður kostaði ESB-ríkin 2.000 milljarða á síðasta ári

Öfgaveður kostaði ESB-ríkin 2.000 milljarða á síðasta ári
Pressan
Fyrir 4 dögum

Marsþyrla NASA er með „lokagjöf“ handa mannkyninu – En það er einn hængur á

Marsþyrla NASA er með „lokagjöf“ handa mannkyninu – En það er einn hængur á
Pressan
Fyrir 4 dögum

Segja að næsti heimsfaraldur verði væntanlega af völdum flensuveiru

Segja að næsti heimsfaraldur verði væntanlega af völdum flensuveiru