Fyrir innrás Rússa í Úkraínu bjuggu um 2.500 manns í bænum. Hann var hernumin af Rússum fljótlega eftir innrásina en 27. september náðu úkraínskar hersveitir bænum á sitt vald. Yfirvöld eru enn að reyna að ná yfirsýn yfir stöðuna í bænum.
Sergei Bolvinov, yfirmaður úkraínska öryggissveita í Kharkiv, segir að óhugnanlegir hlutir hafi komið í ljós í bænum. Hann segir að Rússar hafi pyntað og drepið fjölda fólks í bænum. Í gær birti hann hluta af sönnunargögnunum í færslu á Facebook.
„Nágrannarnir heyrðu öskur þaðan allan sólarhringinn. Lögreglumennirnir fundu hræðilega aftökustað í Pisky-Radkivski,“ skrifaði hann.
Hann birti meðal annars mynd af plastkassa, sem virðist vera nær fullur af gulltönnum, sem Rússar eru sagðir hafa skilið eftir.
Einnig fannst gasgríma og stór titrari, sem líklega var notaður til að pynta fanga. Lögreglan hefur vitneskju um pyntingaraðferð Rússa þar sem fórnarlömbin eru grafin lifandi og að gasgríma sé sett á þau og klútur yfir hana áður en þau eru grafin.
Hann birtir einnig myndir og upptökur af því sem hann segir vera pyntingaklefa. Um kjallara er að ræða og er stálhurð fyrir. Rafmagnsleiðslur hanga niður úr loftinu. Úkraínsk númeraplata og merki úkraínsks hermanns sjást einnig.
Svo virðist sem Rússar hafi hreiðrað um sig á einkaheimili, fyrir ofan kjallarann, og notað það fyrir hermenn sína.
Á myndum sjást lyf og lækningabúnaður og úkraínskir einkennisbúningar.
Село Піски-Радьківські на Харківщині.
Ще одна катівня російських окупантів. Після деокупації наші поліцейські документують тут воєнні злочини армії «визволителів».#RussianWarCrimes #StopRussiaNOW #russiaisateroriststate pic.twitter.com/oTfxA0kOjO
— Національна Поліція (@NPU_GOV_UA) October 3, 2022
Íbúar í bænum sögðu öryggissveitum og lögreglu að föngum hafi verið haldið í kjallaranum. Þetta hafi verið íbúar úr bænum, hermenn og liðsforingjar úr úkraínska hernum að sögn Bolvinov.
Hann segir að úkraínsk yfirvöld viti nöfn þeirra hermanna sem urðu fórnarlömb Rússa í bænum og hafi fundið yfirheyrsluskýrslu í húsinu. „Rannsakendur og saksóknarar eru að grafa upp staðreyndir um hvað gerðist þarna. Réttlætinu verður fullnægt,“ skrifar hann.
Úkraínska varnarmálaráðuneytið fjallaði einnig um málið á Twitter: „Pyntingaklefi í Pisky-Radkivski. Tvær myndir. Gasgríma, sem var sett á höfuð fórnarlambanna og hulin með gömlum klút, síðan var fórnarlambið grafið lifandi. Kassi með gulltönnum. Lítið Auschwitz. Hversu margir svona staðir munu finnast á hernumdu svæðunum í Úkraínu?“
A torture chamber in Pisky-Radkivski. 2 photos. A gas mask that was put on the head of a victim who was covered with a smoldering rag and buried alive. And a box of gold dental crowns. A mini Auschwitz. How many more will be found in occupied Ukraine?
Photo @serhii_bolvinov pic.twitter.com/So4glJlt9N— Defense of Ukraine (@DefenceU) October 4, 2022
