„Ég kom óvænt fyrr heim úr vinnuferð til að koma kærustunni á óvart á afmælisdegi hennar. Ég var miður mín þegar ég sá að hún hafði planað annað partý, með annarri konu í okkar rúmi,“ segir hann.
Maðurinn er 30 ára og kærasta hans 28 ára. Þau hafa verið saman í fjögur ár. Hann segir að allt hafi gengið vel þar til hún byrjaði að æfa hlaup í nýrri líkamsræktarstöð.
„Hún sagði að þjálfarinn, 25 ára, væri kona og frábær og það sem hún vissi ekki um hlaup væri ekki þess virði að vita. Reyndar hætti kærasta mín aldrei að tala um þessa konu,“ segir hann.
„Hún byrjaði að mæta þrisvar í viku því hún „elskaði að hlaupa“ og skráði sig í nokkur keppnishlaup. Þegar ég horfi til baka þá átta ég mig á því hversu skrýtið það var að hún fór stundum úr íþróttafötunum eftir æfingu og setti þau aftur í skúffuna, frekar en að þvo þau […] Stundum fór hún líka í sturtu fyrir æfingu og spreyjaði á sig ilmvatni.“
Maðurinn spurði kærustuna hvort að það væri einhver karlmaður í ræktinni að sýna henni áhuga. „Þetta eru bara konur, elskan. Engir karlmenn,“ sagði hún þá.
Maðurinn var í vinnuferð en kom heim einum degi fyrr. Sem var fullkomið – að hann hélt – því kærastan hans átti afmæli þann dag og hann ákvað að koma henni á óvart.
„Ég opnaði svefnherbergisdyrnar og sá kærustu mína og aðra konu saman í rúminu. Ég fór beint á pöbbinn að drekkja sorgum mínum,“ segir hann.
„Ég fór heim að lokum og hún viðurkenndi að hún hefur verið að halda framhjá mér í tvo mánuði. Hún bað mig um að bíða á meðan hún myndi ákveða á milli mín og þjálfarans.“
„Hún vonandi nær að vinna úr sínum tilfinningum en ekki láta hana stjórna þínum. Vertu viss um að þú takir eigin ákvarðanir og ert ekki bara að bíða eftir hennar ákvörðun.
Það er möguleiki að þið getið endurbyggt samband ykkar en hún þarf að átta sig á því að hún þarf að vinna fyrir trausti þínu á ný og biðjast almennilega afsökunar. Hún þarf líka að sýna að sambandið milli hennar og þjálfarans sé lokið og finna nýja líkamsræktarstöð.“
