María Dís Gunnarsdóttir og Þröstur Marel Valsson hafa formlega tekið við rekstri unaðsvöruverslunarinnar Hermosa.is, en skrifað var undir kaupsamning í byrjun ágúst þar sem að keyptur var stór lager félagsins ásamt öllum rekstri.

Í tilkynningu kemur fram að Hermosa.is sé vefverslun sem sérhæfir sig í sölu á gæða kynlífsvörum á góðu verði og hefur lagt kapp á að veita viðskiptavinum sína framúrskarandi þjónustu allt frá opnun verslunarinnar árið 2019.

„Það er okkur mikilvægt að viðskiptavinir okkar séu í góðum höndum og upplifun viðskiptavina var okkur afar hjartfólgin í söluferlinu, enda höfum við frá opnun lagt gríðarlega áherslu á góða þjónustu og ánægða viðskiptavini sem versla hjá okkur aftur og aftur. María Dís og Þröstur stóðu upp úr í hópi margra áhugasamra kaupenda, enda bæði með mikla reynslu í rekstri og þjónustu og áherslur þeirra algjörlega á pari við þær sem við höfum verið með í rekstrinum“ segir Vilhjálmur Þór, fyrrum eigandi Hermosa.

„Við munum að sjálfsögðu kappkosta við að veita viðskiptavinum Hermosa áfram toppþjónustu. Unaðsverndin verður áfram á sínum stað og fríar sendingar á Dropp stöðvar um allt land, ásamt því að við munum leggja áherslu á að bæta við vöruúrval verslunarinnar og halda verðum samkeppnishæfum. Það eru síðan gríðarlega skemmtilegir tímar framundan þar sem jólatörnin hefst snemma í þessum geira. Jóladagatölin hafa verið ein vinsælasta söluvara félagsins undanfarin ár, en sala á þeim fer á fullt innan skamms og svo erum við að bæta um 300 vörunúmerum við vöruúrvalið hjá okkur þessa dagana“ segja María Dís og Þröstur, nýjir eigendur Hermosa.is.