Michael Knighton fyrrum stjórnarmaður Manchester United segist vera að leiða saman hóp fjárfesta til að kaupa Manchester United.
Þessi sjötugi fjárfestir var nálægt því að kaupa United árið 1989 en hann vonast til að leggja fram tilboð í félagið á næstu dögum.
Knighton segist vera með hóp fjársterkra aðila sem vilja kaupa United af Glazer fjölskyldunni. Stuðningsmönnum United dreymir um að losna við Glazer fjölskylduna.
„Við erum félag í krísu og við vitum öll ástæðu þessu. Við verðum að vera með eigendur sem hafa einhverja hugmynd um fótbolta,“ sagði Knighton.
„Það vita allir að við þurfum nýja eigendur. Ég er að komast nær því að leggja fram tilboð, við erum eð fjársterka aðila.“
„Við erum að vinna að tilboðinu, félagið er ekki til sölu en við ætlum að reyna.“
Knighton segist vera búin að fjármagna tilboðið en skorar á Sir Jim Ratcliffe einn ríkasta mann í heimi sem heldur með United að koma til liðs við hópinn.
