Marko Arnautovic, fyrrum leikmaður West Ham, er í dag óvænt orðaður við Manchester United.

Arnautovic er 33 ára gamall í dag en hann spilar með Bologna á Ítalíu og hefur gert 15 mörk í 34 leikjum í efstu deild.

Gazzetta á Ítalíu greinir frá því að Man Utd sé í leit að framherja og að Arnautovic sé á þeim lista.

Einnig er tekið fram að Arnautovic sé sjálfur mjög áhugasamur um að snúa aftur til Englands þar sem hann gerði vel með West Ham á sínum tíma sem og Stoke.

Arnautovic gæti leyst Cristiano Ronaldo af hólmi en hann hefur í allt sumar reynt að komast burt frá Old Trafford.