Telmo Castanheira, leikmaður ÍBV, er mögulega á leið frá félaginu eftir leiktíðina þegar samningur hans rennur út.

Hann segir í samtali við 433 að hann vilji gjarnan vera afram á Íslandi, enda líði honum vel hér á landi.

Telmo segir að minnsta kosti eitt félag í Bestu deildinni hafa sýnt sér áhuga en hann sé opinn fyrir öllu.

Telmo er Portúgali sem ólst upp hjá Porto en gekk í raðir ÍBV fyrir tveimur árum. Hann hefur verið einn besti leikmaður ÍBV síðustu ár og átti stóran þátt í því að liðið vann sér sæti í deild þeirra bestu á síðasta ári.

ÍBV situr nú í neðsta sæti efstu deildar og á enn eftir að finna sinn fyrsta sigur.

Telmo er þrítugur og hefur spilað ellefu leiki i Bestu deildinni og skorað eitt mark.