Breski stórleikarinn Damian Lewis er talinn vera komin með nýja konu upp á arminn. Eiginkona Lewis, leikkonan Helen McCrory sem var heimsfræg fyrir hlutverk sitt í sjónvarpsþáttunum Peaky Blinders, féll frá fyrir 14 mánuðum eftir erfiða baráttu við krabbamein.

Lewis, sem er þekktastur fyrir hlutverk sín í sjónvarpsþáttunum  Homeland og Billions, hefur undanfarið sést ítrekað með bandarísku tónlistarkonunni Alison Mosshart, söngvara The Kills, undanfarið, bæði á stefnumótum en að auki hefur hið meinta par mætt saman á opinbera viðburði. Þau hafa þó ekki gefið upp hvort að meira sé í spilunum en vinátta en erlendir miðlar telja að það blasi við.

Lewis og McCrory áttu tvö börn saman, dótturina Manon (2006) og soninn Gulliver (2007). Skömmu eftir andlát McCrory greindi Lewis frá því að á dánarbeði sínu hafi eiginkona hans hafi kallað hann og börnin til sín og sagt þeim að hún vildi að hann myndi eignast kærustur eftir sinn dag og að þau yrðu öll að elska að nýju. Hún hafi þó beðið hann um að bíða þar til jarðaförinni væri lokið.